Mutaxassislar dunyodagi yashash uchun eng yaxshi shaharni aniqladi
Yangi Zelandiyaning Vellington shahri Deutsche Bank tahlilchilari versiyasiga ko‘ra, dunyodagi yashash uchun eng yaxshi shahar deb topildi. Bu haqda “Stuff.co.nz” portali xabar berdi.
Ekspertlar jahonning turli shaharlarini tirikchilikka yetadigan eng oz mablag‘, havoning ifloslanganlik darajasi, iqlim, ko‘chmas mulk narxi, jinoyatchilik va sog‘liqni saqlash bilan bog‘liq vaziyat kabi mezonlar bo‘yicha tahlil qildi.
Reytingning ikkinchi pog‘onasida Shotlandiya poytaxti Edinburg joylashdi. Avstriyaning Vena shahri yetakchilar uchligiga yakun yasadi. To‘rtinchi o‘rinda Avstraliyaning Melburn, beshinchi o‘rinda esa Shveysariyaning Syurix shahri joylashdi.
Yuqori o‘nlikka Kopengagen (Daniya), Ottava (Kanada), Boston (AQSh), Amsterdam (Niderlandiya) va Sidney (Avstraliya) ham kirdi.
“Daryo” yangiliklarini Facebook’da kuzatib boring