OAV: Noqulay ob-havo Fransiyadagi prezidentlik saylovi natijalariga ta’sir ko‘rsatishi mumkin

Noqulay ob-havo Fransiyadagi prezidentlik saylovi natijalariga ta’sir ko‘rsatishi mumkin. Bu haqda ekspertlar fikriga tayanib, The Independent ma’lum qildi, deya xabar beradi “Gazeta.ru”.

6-may, shanba kuni mamlakatning barcha hududida kuchli yomg‘ir va shamol kuzatiladi. 7-may, yakshanba, saylov kuni esa shunday ob-havo Fransiya sharqida hukm surishi kutilmoqda.

Nashrning ta’kidlashicha, ob-havo bilan bog‘liq bunday vaziyat saylovlarga “norozi saylovchilar”ni safarbar etishni rejalashtirgan “Milliy front” yetakchisi Marin Le Penga qo‘l kelishi mumkin.

Oxirgi so‘rovlar natijalariga ko‘ra, uning raqibi Emmanuel Makron saylovning ikkinchi bosqichida 62 foiz natija bilan g‘olib chiqishi kutilayotgandi.

“Daryo” yangiliklarini “Odnoklassniki”da kuzatib boring