Rossiya Suriyadagi xavfsizlik zonalari bo‘yicha rezolyutsiya loyihasini BMT Xavfsizlik kengashi muhokamasiga kiritdi

Rossiya BMT Xavfsizlik kengashi muhokamasiga Ostonada imzolangan Suriyada xavfsizlik zonalari tashkil etilishi haqidagi memorandumni qo‘llab-quvvatlovchi rezolyutsiya loyihasini kiritdi. Bu haqda, Rossiyaning xalqaro tashkilotdagi doimiy vakilligi ma’lum qildi, deya xabar beradi “TASS”.

“Rezolyutsiya loyihasi kiritilganini tasdiqlaymiz”, — deya ta’kidladi doimiy vakillik matbuot kotibi Fyodor Strjijovskiy.

Diplomatlarga ko‘ra, Xavfsizlik kengashida mazkur hujjat bo‘yicha ovoz berish 8 yoki 9-may kuni o‘tkazilishi mumkin.

“Daryo”ning Telegram’dagi rasmiy kanali — @toshqindaryo’ga a’zo bo‘ling!