Nig‘matilla Yo‘ldoshev boshchiligidagi O‘zbekiston delegatsiyasi Latviyaga tashrif buyuradi

Oliy Majlis Senati raisi Nig‘matilla Yo‘ldoshev boshchiligidagi O‘zbekiston delegatsiyasi Latviyaga tashrif buyuradi. Bu haqda UzDaily xabar bermoqda.

Tashrif doirasida Rigada biznes-seminar va O‘zbekistonda ishlab chiqarilgan mahsulotlar ko‘rgazmasi bo‘lib o‘tadi.

Unda oziq-ovqat, to‘qimachilik, vino-sharob, teri-poyafzal, elektrotexnika mahsulotlari va qurilish materiallari taqdim etilishi kutilmoqda.

Tadbir davomida o‘zbek kompaniyalariga o‘z mahsulotlarini latviyalik xaridorlarga namoyish etish, mazkur mamlakat ulgurji va savdo kompaniyalari bilan aloqalar o‘rnatish, shuningdek, Latviya va Boltiqbo‘yi davlatlariga mahsulotlar yetkazish bo‘yicha eksport shartnomalari tuzishni muhokama etish imkoniyati yaratiladi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!