Ravshan Komilov hayotida ro‘y bergan judolik sabab ijodda tanaffus qilganini aytdi

O‘zbekistonda xizmat ko‘rsatgan artist Ravshan Komilov “Darakchi” gazetasiga bergan intervyusida ijodida kuzatilgan tanaffus sabablariga to‘xtaldi, deb yozadi “Darakchi.uz”.

Bugungi suhbatni biroz tushkun kayfiyatda boshlash niyatim yo‘q edi. Biroq vaziyat shuni taqozo etyapti. Har bir inson yaxshi-yomon kunlarni boshdan o‘tkazadi. Bundan biroz vaqt oldin oilamizda  noxushlik ro‘y berdi. Biz uchun qadrli va mehribon singlimizni yerga qo‘ydik.

To‘g‘ri, bunday vaziyatlarda ham kulib sahnaga chiqqan ustozlarimiz haqida ko‘p eshitganmiz. Ammo bu meni qo‘limdan kelmadi. Tushkunlikka tushib qoldik. Onam va yaqinlarimning ko‘nglidan o‘tib kunda, kunora televizorda chiqishim noto‘g‘ri, deb bildim. Shuning uchun biroz vaqt ko‘rinmadim. Hatto intervyular ham bekor bo‘ldi. Oradan vaqt o‘tdi, san’atimni qadrlab, bugun yana suhbatga taklif etganingizdan xursandman.

Ravshan Komilov, xonanda

“Daryo” yangiliklarini “Odnoklassniki”da kuzatib boring