15-may kuni Toshkentda to‘rtta yong‘in sodir bo‘ldi

15-may soat 08:00 dan 16-may 08:00 ga qadar Toshkent shahrida to‘rtta yong‘in sodir bo‘ldi. Bu haqda Toshkent shahar IIBB rasmiy sayti orqali ma’lum qilindi.

Jumladan, 15-may kuni soat 12:41 da Chilonzor tumani, Beshqo‘rg‘on ko‘chasida yonma-yon joylashgan uchta xonadon 200 kvadrat metr maydonda yongan. Soat 15:55 da esa Yunusobod tumani, Minor mavzesi 68-uy orqasida esa daraxt yongan.

Bundan tashqari, soat 17:35 da Olmazor tumani, Chimboy dahasi 1-uy oldidagi jar yoqasidagi 30 kvadrat metr maydonda chiqindilar yongan. Nihoyat, o‘sha kuni soat 23:41 da Olmazor tumani, Qoraqamish 2/5 dahasi, 1-A uy orqasidagi tashlandiq bino ichidagi 5 kvadrat metr maydonda axlat yongan.

Barcha yong‘inlarning sabablari aniqlashtirilmoqda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!