Islomobod Afg‘onistonda pokistonlik diplomatlar qo‘lga olinishi munosabati bilan Kobulga norozilik bildirdi

Pokiston tashqi ishlar vazirligi Afg‘onistonning mamlakatdagi elchisi o‘rinbosarini suhbatga chaqirdi va Kobulda xavfsizlik kuchlari tomonidan pokistonlik ikki diplomat qo‘lga olingani munosabati bilan norozilik bildirdi. Bu haqda “RIA Novosti” ma’lum qildi.

“Biz Afg‘oniston hukumati zudlik bilan diplomatik xodimlarimiz va bizga tegishli ko‘chmas mulk xavfsizligini ta’minlash choralarini ko‘rishini talab qilamiz. Bunday hodisalar kelgusida takrorlanmasligi kafolatlanishi lozim, ular ikki tomonlama munosabatlar mustahkamligiga rahna soladi”, — deyiladi Pokiston TIV bayonotida.

Diplomatlarning qo‘lga olinishi sabablariga oydinlik kiritilmadi.

“Daryo” yangiliklarini “Odnoklassniki”da kuzatib boring