Braziliya deputatlari prezident Mishel Temer impichmentini talab qildi

Braziliya deputatlari mamlakat prezidenti Mishel Temer impichmentiga chaqirdi va parlament quyi palatasi spikeri Rodrigo Mayyaga tegishli talabnoma yo‘lladi. Bu haqda “Gazeta.ru” xabar bermoqda. 

Impichmentga chaqiruvga Mishel Temer aks etgan videoyozuv sabab bo‘ldi. Unda Temer go‘yo Braziliyaning sobiq prezidenti Dilma Russefga ishonchsizlik tashabbuskori bo‘lgan sobiq spiker Eduardu Kunyani pora evaziga og‘dirib olish shartlarini muhokama qilgan. 

Talabnoma qabul qilingan taqdirda masalani ko‘rib chiqish uchun maxsus komissiya chaqiriladi. Videoyozuv Braziliya oliy sudiga topshirilgani bildirilmoqda. 

“Daryo”ning YouTube’dagi rasmiy sahifasiga obuna bo‘ling