AQSh Venesueladagi “avtoritarizm arxitektorlari”ga qarshi keskin choralar ko‘radi

AQSh davlat departamenti vakili Xezer Nauert AQSh “Venesueladagi avtoritarizm arxitektorlari”ga qarshi keskin choralar ko‘rishda davom etishini aytdi, deb yozadi “Gazeta.ru” Nauertning bayonotiga tayanib.

“Biz Venesueladagi avtoritarizm arxitektorlariga qarshi, shu jumladan, ovoz berish natijalari bo‘yicha milliy ta’sis majlisida qatnashadiganlarga qarshi keskin va tezkor choralar ko‘rishda davom etamiz”, — deyiladi bayonotda.

Avvalroq AQSh Venesuelaning neft sektoriga nisbatan, shuningdek, mamlakatning bir qator mansabdorlariga qarshi sanksiyalar kiritishi mumkinligi xabar berilgan edi.

“Daryo” yangiliklarini Facebook’da kuzatib boring