Mumbaylik o‘smir “Ko‘k kit” tufayli olamdan o‘tgani taxmin qilinmoqda

Hindistonning Mumbay shahri politsiyasi bir o‘smirning o‘limi bilan bog‘liq holatni tekshirmoqda. Uning o‘limi o‘smirlar orasida o‘z joniga qasd qilishni targ‘ib qiluvchi “Ko‘k kit” o‘yini bilan bog‘liqligi taxmin qilinmoqda, deb xabar beradi “RIA Novosti”.

Sharqiy Andxeri tumanida istiqomat qilib kelgan 14 yoshli Manprit Singx 29-iyul kuni halok bo‘ldi. Politsiya o‘smirning o‘limini baxtsiz hodisa sifatida rasmiylashtirdi, ammo Singx o‘limidan oldin do‘stlariga “Ko‘k kit” o‘yiniga kirganini xabar qilgani vaziyatni chigallashtirdi.

Mumbay politsiyasi ayni paytda voqea taftish qilinayotganini, yakuniy xulosa esa keyinroq e’lon qilinishini bildirdi.

“Daryo” yangiliklarini “Odnoklassniki”da kuzatib boring