Sindzo Abe Yaponiyaning yangi tashqi ishlar vazirini tayinladi

Yaponiya bosh vaziri Sindzo Abe mamlakat tashqi ishlar vaziri lavozimiga Taro Kononi tayinladi. Bu haqda “Gazeta.ru” xabar bermoqda.

Kono bungacha ma’muriy islohotlar bo‘yicha vazir lavozimida ishlab kelayotgan edi.

O‘z navbatida, TIVning sobiq rahbari Fumio Kisida hukmron Liberal-demokratik partiyaning siyosat bo‘yicha kengashi raisi etib tayinlangan.

Ayni vaqtda, Kisida partiya raisi o‘rnini egallashga asosiy da’vogarlardan biri sanaladi.

“Daryo”ning YouTube’dagi rasmiy sahifasiga obuna bo‘ling