Fransiyaning IShIDning 271 jangarisi qaytib keldi

Iroq va Suriyada IShID terrorchi guruhi tarkibida to‘qnashuvlarda ishtirok etgan 271 nafar Fransiya fuqarosi vataniga qaytib keldi. Bu haqda Fransiya ichki ishlar vaziri Jerar Kolon Le Journal du Dimanche gazetasiga bergan intervyusida ma’lum qildi, deb xabar beradi “TASS”.

Undagi axborotga ko‘ra, Fransiyaning 700 ga yaqin fuqarosi jangarilar tomoniga o‘tib ketgan. Qaytganlari ayni paytda prokuratura organlari tomonidan tekshirilmoqda, ayrimlari hibsga olingan.

Qaytgan jangarilarning 54 nafari voyaga yetmaganlardir.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.

“Daryo”ning YouTube’dagi rasmiy sahifasiga obuna bo‘ling