Avstraliyada konvertoplan halokati tufayli bedarak yo‘qolgan harbiylarni qidirish to‘xtatildi

Avstraliyaning sharqiy sohilida halokatga uchragan AQShning MV-22 Osprey konvertoplanida bedarak yo‘qolgan harbiylarni qidirish ishlari to‘xtatildi. Bu haqda, ABC telekanaliga asoslanib, “RIA Novosti” xabar bermoqda.

“Bedarak yo‘qolgan, halok bo‘lgani taxmin etilayotgan uch harbiyni qidirish ishlari tugadi”, — deyiladi rasmiy xabarnomada.

Ilgari xabar qilinganidek, konvertoplan bortida bo‘lgan 26 dengiz piyodasidan 23 nafari qutqarilgan.

Qutqaruv-qidiruv ishlari Avstraliya mudofaa kuchlari ko‘magida kengaytirilgan shaklda davom ettiriladi. Bu bir necha oy vaqt olishi mumkinligi aytilmoqda.

“Daryo” yangiliklarini Facebook’da kuzatib boring