UzReport Konor MakGregor — Floyd Meyvezer jangi translyatsiyasining litsenzion huquqini qo‘lga kiritdi

UzReport telekanali Konor MakGregor va Floyd Meyvezer o‘rtasida bo‘lib o‘tadigan yil jangini jonli efirda namoyish qiladi. Bu haqda telekanalning Facebook’dagi sahifasi ma’lumot berdi.

26-avgust kuni bo‘lib o‘tadigan jang translyatsiyasining litsenzion huquqi UzReport tomonidan qo‘lga kiritildi, deb yozilgan xabarda. O‘zbekistonlik boks muxlislari uni Toshkent vaqti bilan 27-avgust tongida — 8:30 dan boshlab tomosha qilishi mumkin.

Jang 12 raundga mo‘ljallangan va boks qoidalari asosida bo‘lib o‘tadi.

UzReport bungacha yil jangi deb yuritilgan Vladimir Klichko hamda Entoni Joshua o‘rtasidagi to‘qnashuvni ham jonli ko‘rsatgandi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!