Turkiyada terakt uyushtirishni rejalashtirgan besh nafar chet el fuqarosi ushlandi

Turkiyada IShID terrorchi guruhining a’zosi bo‘lgan besh nafar chet el fuqarosi qo‘lga olindi. Bu haqda “TASS” xabar bermoqda.

Istanbul viloyatining Bashaqshehir tumanida o‘tkazilgan aksilterror operatsiyasi doirasida ikki uyda terakt tayyorlayotgan besh kishi ushlandi. Ularning bari boshqa davlatlar fuqarolari bo‘lib chiqdi.

Tintuv chog‘ida ularning uylaridan uch miltiq, ovoz susaytirgich va propaganda materiallari topildi.

Ular qaysi davlat fuqarolari ekanligi aniqlashtirilmayapti.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.

“Daryo”ning YouTube’dagi rasmiy sahifasiga obuna bo‘ling