Parkentlik fuqaro “o‘zim boqib beraman” deb 36 bosh qo‘yni egasidan aldab olib ketdi

Parkent tumanida yashovchi fuqaro boqish uchun olgan 36 bosh qo‘yni egasiga shu kunga qadar qaytarib bermagan, deb xabar berdi Toshkent viloyat IIB matbuot xizmati.

1981-yilda tug‘ilgan Sh.D. Toshkent shahrida yashovchi, 1981-yilda tug‘ilgan I.N. ning ishonchini suiiste’mol qilib, “qo‘ylaringizni o‘zim boqib beraman”, deb aldab undan umumiy narxi, taxminan, 20 million so‘m bo‘lgan 36 bosh qo‘ylarini olib, shu kunga qadar qaytarib bermagan.

Ushbu holat yuzasidan unga nisbatan O‘zbekiston Respublikasi Jinoyat Kodeksining 168-moddasi 1-qismi bilan jinoyat ishi qo‘zg‘atildi.

“Daryo”ning YouTube’dagi rasmiy sahifasiga obuna bo‘ling