Filippinda diniy radikallarning ayirmachilar bilan to‘qnashuvlarida 25 kishi o‘ldirildi

Filippin janubida islomiy radikallarning ayirmachilar bilan to‘qnashuvlarida 25 kishi halok bo‘ldi. Bu haqda, Reuters’ga asoslanib, “RIA Novosti” xabar bermoqda.

Mamlakat hukumati terrorchilarga qarshi kurashish maqsadida ayirmachilar bilan sulh tuzgan.

Filippin armiyasi vakili polkovnik Gerri Besanning so‘zlariga qaraganda, harbiy xizmatchilar IShID tarafdorlariga qarshi kurashayotgan “Moro islom ozodlik fronti” guruhi jangarilariga artilleriya yordamini bergan.

Janglarda IShIDning 20 tarafdori halok bo‘ldi. Shuningdek, ayirmachilarning besh nafar a’zosi o‘ldirildi.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.

“Daryo” yangiliklarini Facebook’da kuzatib boring