Alisher Fayzullayev Namangan viloyati hokimining birinchi o‘rinbosari etib tayinlandi
Alisher Fayzullayev Namangan viloyati hokimining iqtisodiyot va tadbirkorlik masalalari bo‘yicha birinchi o‘rinbosari etib tayinlandi. Bu haqda viloyat hokimligi axborot xizmati ma’lum qildi.
Alisher Fayzullayev 1973-yilda Namangan shahrida tug‘ilgan. Namangan sanoat-texnologiya instituti va Toshkent davlat iqtisodiyot universtitetini tamomlagan. 1997-yildan boshlab Markaziy bank tizimida ishlab kelgan.
Mazkur lavozimga tayinlangunga qadar u Markaziy bank ichki audit departamenti direktori vazifasida ishlab kelayotgandi.
Eslatib o‘tamiz, oldinroq Namangan viloyati hokimining birinchi o‘rinbosari Akmalxon Ortiqov Iqtisodiyot vaziri o‘rinbosari etib tayinlangani haqida xabar berilgandi.
“Daryo” yangiliklarini “Odnoklassniki”da kuzatib boring