Sukerberg ikkinchi qizi tug‘ilishi munosabati bilan ikki oyga ta’tilga chiqadi

Facebook asoschisi Mark Sukerberg ikkinchi qizi tug‘ilishi munosabati bilan ikki oyga ta’tilga chiqadi. Bu haqda u 18-avgust, juma kuni ma’lum qildi, deya xabar beradi “TASS”.

“Ikkinchi qizimiz yaqinda dunyoga keladi va men yana, birinchi qizalog‘im tug‘ilganidagi kabi, ikki oyga ta’til olishni rejalashtirmoqdaman”, — deya yozuv qoldirdi Sukerberg Facebook’dagi sahifasida.

U kompaniyasida xodimlarga bunday holatlarda 4 oylik ta’til berilishi va uni bo‘lib-bo‘lib olish mumkinligini eslatib o‘tdi.

“Avvaliga rafiqam Prissilla va qizlar bilan bir oyni o‘tkazaman, keyin esa dekabrda ham ular bilan birga bo‘laman. Ishga qaytganimda ofisim joyida bo‘lishidan umidvorman”, — dedi hazilomuz Facebook asoschisi.

Ma’lumot uchun, Sukerberg va Prissilla Chan 2012-yil bahorida turmush qurdi. Juftlikning 2015-yilda tug‘ilgan Maks ismli qizi bor.

“Daryo” yangiliklarini “Odnoklassniki”da kuzatib boring