AQSh Shimoliy Koreya yetakchisini muloqotni boshlashga majburlash niyatida

AQSh Shimoliy Koreya yetakchisi Kim Chen Inni muzokaralar stoliga o‘tirishga majburlash niyatida. Bu haqda Davlat departamenti matbuot xizmati rahbari Xezer Nauert ma’lum qildi, deya xabar beradi “TASS”.

“Kim Chen Inni muzokaralar stoliga o‘tirishga majbur etadigan usullardan biri unga harakatlarining oqibati nimalarga olib kelishini ko‘rsatishdan iborat. Oqibatlar esa uning uchun vaziyatni yanada murakkablashtirishimizdan iborat”, — dedi Nauert.

Eslatib o‘tamiz, Vashington bir necha bor Shimoliy Koreya muammosi masalasida hech bir variant, jumladan, harbiy harakatlarni ham istisno etmasligini ta’kidlab kelmoqda.

“Daryo”ning YouTube’dagi rasmiy sahifasiga obuna bo‘ling