Shavkat Mirziyoyev Ispaniya qiroliga hamdardlik bildirdi

O‘zbekiston Prezidenti Shavkat Mirziyoyev Ispaniya qiroli Filip VI ga insonlar halok bo‘lishiga olib kelgan Barselona shahridagi terroristik xuruj sababli samimiy hamdardlik bildirdi. Bu haqda Tashqi ishlar vazirligi axborot xizmati xabar berdi.

Davlat rahbari qurbon bo‘lganlarning oila a’zolari va yaqinlariga hamdardlik so‘zlarini izhor etdi. Jarohatlanganlarga tez fursatda sog‘ayishni tiladi.

“Daryo” yangiliklarini “Odnoklassniki”da kuzatib boring