Shavkat Mirziyoyev Peterburgdagi terakt munosabati bilan Vladimir Putinga hamdardlik bildirdi

O‘zbekiston Prezidenti Shavkat Mirziyoyev Sankt-Peterburg metrosidagi portlash natijasida insonlar halok bo‘lishi munosabati bilan Rossiya prezidenti Vladimir Putinga hamdardlik bildirdi. Bu haqda O‘zbekiston Tashqi ishlar vazirligi matbuot xizmati xabar bermoqda.

“Davlatimiz rahbari o‘z maktubida halok bo‘lganlarning oila a’zolari va yaqinlariga hamda jarohatlanganlarga chuqur hamdardlik so‘zlarini yetkazishni so‘radi”, — deyiladi TIV axborotida.

Sankt-Peterburg metrosida 3-aprel, dushanba kuni yuz bergan terakt oqibatida 10 kishi halok bo‘lgan, 40 dan ortiq odam tan jarohati olgan.

Mavzuga doir: Peterburg metrosidagi terakt ijrochisi deb taxmin qilinayotgan shaxs suratlari e’lon qilindi

“Daryo”ning Telegram’dagi rasmiy kanali — @toshqindaryo’ga a’zo bo‘ling!