Ekspertlar Putinning ehtimoliy “davomchilari” reytingini tuzdi

“Peterburgskaya politika” (“Peterburg siyosati”) jamg‘armasi Rossiya prezidenti Vladimir Putinning ehtimoliy “davomchilari” reytingini tuzdi, deb yozadi “RBK”. Reyting taqdimoti 21-avgust, dushanba kuni bo‘lib o‘tadi.

Jamg‘arma versiyasiga ko‘ra, “voris”likka asosiy nomzod bosh vazir Dmitriy Medvedevdir (21 ball). Ikkinchi o‘rinda Moskva meri Sergey Sobyanin (19 ball) joylashdi. Keyingi o‘rinlarni tegishli tartibda Tula viloyati gubernatori Aleksey Dyumin, Checheniston rahbari Ramzan Qodirov, Federatsiya kengashi spikeri Valentina Matviyenko va Fuqarolar tashabbuslari qo‘mitasi rahbari Aleksey Kudrin egalladi.

Ekspertlar ta’kidlashicha, “davomchi” — prezidentning “eng yaqin davrasidagi siyosatchilarning oliy martabasi”. Ekspertlar so‘zlariga ko‘ra, bular 2018—2024-yillarda bo‘lg‘usi hukmron koalitsiya ishtirokchilariga aylanadigan siyosatchilardir.

“Daryo” yangiliklarini “Odnoklassniki”da kuzatib boring