O‘zbekistonlik 72 nafar Ikkinchi Jahon urushi faxriylari Haj safariga yo‘l oldi

O‘zbekistonlik ziyoratchilarning 430 nafardan iborat so‘nggi guruhlari 22 avgust kuni ikkita reysda “Toshkent—Madina” va “Namangan—Madina” yo‘nalishi bo‘yicha Saudiya Arabistoniga kuzatildi. Bu haqda UZ24 xabar bermoqda.

Ziyoratchilar qatorida 72 nafar Ikkinchi Jahon urushi faxriylari va ularga hamrohlik qiluvchilar ham Haj safariga kuzatildi.

Ma’lumotlarga ko‘ra, ziyorat mavsumi boshlanganidan beri jami 32 reysda 7 155 kishi, jumladan, “Toshkent—Madina” yo‘nalishida 2 228, “Namangan—Madina” yo‘nalishida 3 028, “Samarqand—Madina” yo‘nalishida 459, “Urganch—Madina” yo‘nalishida 206, “Buxoro—Madina” yo‘nalishida 412, “Qarshi—Madina” yo‘nalishida 822 ziyoratchi Saudiya Arabistoniga yetib bordi.

“Daryo” yangiliklarini “Odnoklassniki”da kuzatib boring