Apple App Store’dan Eronga taalluqli barcha mobil dasturlarni chiqarib tashladi

Apple korporatsiyasi App Store’dan Eronga taalluqli barcha mobil dasturlarni chiqarib tashladi. Bu haqda “Kommersant” xabar bermoqda.

“Eron mobil telefonlari bozorida Apple ulushi 11 foizni tashkil etadi. Korporatsiya bugungi kunda iste’molchilar huquqini hurmat etish tamoyiliga amal qilayotgani yo‘q”, — deydi Eron axborot-kommunikatsiya texnologiyalari vaziri Javod Jahrumiy.

Mamlakatdagi yirik elektron do‘kon egasi bo‘lgan Digikala kompaniyasi vakili ilovalar AQShning Eronga nisbatan yangi sanksiyalari tufayli chiqarib tashlanganini bildirdi. Biroq Apple rasman buning sabablarini ma’lum qilmadi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!