Rossiyalik biznesmen Moskvadagi mehmonxonada mast holatda otishma uyushtirdi

Rossiyalik biznesmen Umar Jabrailov Kreml yaqinida joylashgan mehmonxonalardan birida otishma uyushtirdi. Bu haqda “TASS” xabar bermoqda.

Voqea 29-avgust kuni ro‘y berdi. Four Seasons mehmonxonasida joylashgan biznesmen to‘pponchadan shiftga qarab o‘t ochishi tashrifchilarni xavotirga soldi. Voqea joyiga yetib kelgan politsiyachilar tijoratchini Kitay-gorod ichki ishlar idorasiga olib ketdi. U hali ham o‘sha yerda saqlanmoqda.

Dastlabki ma’lumotlarga ko‘ra, u mast holda bo‘lgan. Uning sarxushligi spirtli ichimliklar yoki narkotik moddalar iste’moli oqibati ekanliginin ekspertiza ko‘rsatadi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!