Yaponiyada malika Makoning unashtirilgani e’lon qilindi

Yaponiya imperatori Akixitoning katta nabirasi, malika Mako sobiq kursdoshiga unashtirildi. Bu haqda Yaponiya imperator saroyi boshqaruvi ma’lum qildi, deb xabar beradi “TASS”.

Aslida unashtirish 8-iyul kuni e’lon qilinishi lozim edi, ammo mamlakat janubi-g‘arbidagi tabiiy ofat tufayli ushbu rasmiy marosim qoldirildi.

To‘y keyingi yil bo‘lib o‘tishi kutilmoqda. Uning aniq sanasi hozircha e’lon qilingani yo‘q.

To‘ydan so‘ng Mako, amaldagi qonunlarga ko‘ra, unvonini yo‘qotib, oddiy fuqaroga aylanadi.

“Daryo” yangiliklarini Facebook’da kuzatib boring