“Ural havo yo‘llari” Moskvadan Navoiy va Urganchga parvozlarni qayta boshlaydi

Rossiyaning “Ural havo yo‘llari” aviakompaniyasi Moskvaning Domodedovo aeroportidan Navoiy va Urganchga to‘g‘ridan-to‘g‘ri reyslarga chipta sotishni boshladi, deb yozadi UzDaily.

Aviakompaniya ma’lumotlariga ko‘ra, u 21-sentabrdan Moskva—Navoiy—Moskva yo‘nalishi bo‘yicha parvozlarni amalga oshirishni boshlaydi. Reyslar juma kunlari amalga oshiriladi.

Moskva—Urganch—Moskva reysi esa 20-sentabrdan boshlab chorshanba va shanba kunlari ochiq bo‘ladi.

“Daryo” yangiliklarini “Odnoklassniki”da kuzatib boring