Dunyodagi eng tez avtomobil yapon giperkari bo‘ladi. U 100 kilometr tezlikka 2 soniyadan kamroq vaqtda erishadi

Yaponiyaning Aspark kompaniyasi yaqin vaqt ichida dunyodagi eng tez avtomobilni taqdim etishni rejalashtirmoqda. Ishlab chiqaruvchi haqida hech narsa ma’lum emas, biroq mashina 100 kilometr tezlikka ikki soniyadan kamroq vaqt ichida erishadi. Bu haqda “Motor” xabar berdi.

Owl nomli karbon giperkari 2014-yildan buyon yaratilmoqda. Avtomobilning balandligi 990 millimetrni tashkil qiladi. Mashina elektr dvigatel va o‘ta yengil g‘ildiraklar bilan jihozlanadi.

Aspark giperkarining taqdimoti 12-sentabrda Frankfurtdagi avtosalonda bo‘lib o‘tishi kutilmoqda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!