Belgiyada Muskron shahar merini o‘ldirib ketishdi

Belgiyada Muskron shahar burgomistri (meri) Alfred Gadenni o‘ldirib ketishdi, deb yozadi “RBK”.

Belgiyaning Le Sour nashri ma’lumotlariga ko‘ra, merning jasadi uning uyi yaqinida joylashgan qabristondan topilgan.

Fransiyaning La Voix Du Nord gazetasi yozishicha, noma’lum kimsa siyosatchiga pichoq bilan hamla qilgan. Hodisa mahalliy vaqt bilan 20:00 da, mer o‘z uyi yonida joylashgan qabristonga yo‘l olgan paytda yuz bergan. Qotil Gadenni poylab turgan, uni o‘ldirgach, o‘zini politsiyaga topshirgan. 71 yoshli burgomistr nima sababdan o‘ldirilgani ma’lum qilinmayapti.

“Daryo” yangiliklarini “Odnoklassniki”da kuzatib boring