Mosul vayronalari ostidan 2,6 mingdan ortiq odamning jasadi topildi

Iroqning Mosul shahrida vayronalar ostidan 2650 kishining jasadlarini topdi. Ularning barchasi tinch fuqarolar bo‘lib, IShID va hukumat qo‘shinlari o‘rtasidagi to‘qnashuvlar chog‘ida halok bo‘lgan, deb xabar beradi “Korrespondent.net”.

Mosuldagi vayronalarni yig‘ish ishlari 10-iyulda, shahar IShIDdan ozod qilinganidan so‘ng boshlangan edi. Ikki oy ichida topilgan murdalar soni 2600 kishidan oshib ketdi. Ularning aksariyati shaharning g‘arbiy qismida yashar edi. Aynan o‘sha hududda faol jangovar harakatlar olib borilgan edi.

Qidiruv ishlari davom etmoqda.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.

“Daryo” yangiliklarini “Odnoklassniki”da kuzatib boring