Niderlandiyada birinchi marta to‘rt jihodchi fuqarolikdan mahrum qilindi

Niderlandiya hukumati birinchi marta IShID terrorchi guruhi tarkibiga qo‘shilib ketgan to‘rt kishini fuqarolikdan mahrum qildi. bu haqda Blikopnieuws portali ma’lum qildi.

Bundan tashqari, bu to‘rt kishi qirollik hududida bo‘lishi ma’qullanmaydigan shaxslar deb e’lon qilindi. Ularga Niderlandiya hamda Shengen kelishuviga qo‘shilgan boshqa mamlakatlar hududiga kirish taqiqlandi.

Deutsche Welle radiosi axborotiga ko‘ra, ularning to‘rtovi ham ayni paytda Marokash fuqarolari hisoblanadi.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.

“Daryo”ning YouTube’dagi rasmiy sahifasiga obuna bo‘ling