Andijonning Xonobod shahrida “Moskvich” yonib ketdi
Andijonning Xonobod yong‘in yuzaga keldi. Bu haqda IIV Yong‘in xavfsizligi bosh boshqarmasi matbuot xizmati ma’lum qildi.
“11-sentabr kuni soat 17:42 da Xonobod shahridagi yong‘in xavfsizligi qismiga “Anhor” mahalla fuqarolar yig‘inining Do‘stlik ko‘chasida avtomashina yonayotgani haqida xabar kelib tushdi”, — deyiladi xabarnomada.
Yong‘in o‘chirish bo‘linmasi soat 17:44 da voqea joyiga yetib keldi va soat 17:50 da olov o‘chirildi.
Yong‘in oqibatida 1984-yilda ishlab chiqarilgan ‘Moskvich-2140’ rusumli avtomashinaning motor va salon qismi zararlandi. Yong‘inning taxminiy sababi — avtomashinaning motor qismidagi elektr simlarining qisqa tutashuvi. Yong‘inda kuyish tan jarohatini olganlar yo‘q.
“Daryo”ning YouTube’dagi rasmiy sahifasiga obuna bo‘ling