AQSh maxfiy xizmati Trampning yordamchisini qo‘riqlashni to‘xtatdi

Mamlakatning birinchi raqamli shaxslarini himoyalash bilan shug‘ullanadigan AQSh maxfiy xizmati prezident Donald Trampning yordamchisi Kellienn Konueyni, shuningdek, prezidentning o‘g‘li — Kichik Donald Trampni hamda uning rafiqasi Vanessani qo‘riqlashni to‘xtatdi. Bu haqda, Fox News telekanaliga asoslanib, “Interfaks” xabar bermoqda.

The New York Times gazetasiga ko‘ra, ayol ish boshlagan birinchi kunlarda unga qo‘riqchilar biriktirilgan edi, ammo o‘sha paytdan beri tahdid darajasi o‘zgardi.

Ilgariroq Kichik Donald Tramp maxfiy xizmat himoyasidan voz kechishga qaror qilgani bildirilgan edi. Aytilishicha, u ko‘proq shaxsiy muhitga ega bo‘lish uchun shunday qarorga kelgan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!