AQSh Maxfiy xizmati Oq uy yaqinida noma’lum erkakni qo‘lga oldi

AQSh Maxfiy xizmati Oq uy hududiga kirib olgan erkakni qo‘lga oldi, deb yozadi “Interfaks”. U prezident qarorgohining janubiy darvozasi yaqinida tutib olindi.

Erkak yarim kechasi devordan oshib o‘tib, qo‘riqlanuvchi hududga tushgan, bu paytda binoda AQSh prezidenti Donald Tramp bo‘lgan.

Qo‘lga olingan shaxsning yonida ryukzak bo‘lgan, ammo tintuv chog‘ida undan atrofdagilar uchun xavf tug‘diradigan hech narsa topilmagan.

Qarorgohga bostirib kirilgandan so‘ng xavfsizlikning eng yuqori darajalaridan biri — to‘q sariq darajasi e’lon qilindi.