Eron tashqi ishlar vaziri Trampni nodonlik va nafratda aybladi

Eron tashqi ishlar vaziri Javod Zarif AQSh prezidenti Donald Trampning BMT Bosh assambleyasidagi chiqishini nodonlik va nafratga to‘la nutq deb atadi. Bu haqda “Interfaks” xabar bermoqda.

“Trampning nodonlik va nafratga to‘la nutqi XXI asrdagi BMTga emas, o‘rta asrlarga tegishli va javobga loyiq emas. Eronliklarga yolg‘on iltifot bilan hech kimni aldab bo‘lmaydi”, — deya yozuv qoldirdi vazir Twitter’dagi sahifasida.

Tramp BMT Bosh assambleyasidagi chiqishida Eron yadro dasturi bo‘yicha kelishuvni AQSh uchun “sharmandalik” deb atadi va Tehronni terrorchilarni moliyalashtirish, Yaqin Sharqda tinchlikka rahna solishni to‘xtatishga chaqirdi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!