Puerto-Riko “Mariya” to‘foni tufayli elektr energiyasidan butkul uzildi

Puerto-Rikoga yopirilgan “Mariya” to‘foni tufayli mamlakatning butun hududi elektr energiyasidan uzildi. Bu haqda Meduza xabar bermoqda.

ABC News elektr energiyasi faqat generatorlardan foydalanadiganlarda borligini bildirmoqda. Shuningdek, aloqa tizimi ham ishdan chiqdi. 

Puerto-Riko gubernatori Rikardo Roselloga ko‘ra, elektr ta’minotini tiklashga oylar talab etilishi mumkin. 

Mamlakatda elektr energiyasi yetkazib berish bilan atigi bitta kompaniya — PREPA shug‘ullanadi. Kompaniya moliyaviy qiyinchiliklarga duch kelayotgani sababli iyul oyida kasodga uchraganini ma’lum qilgandi.

“Daryo” yangiliklarini “Odnoklassniki”da kuzatib boring