“Axborot 24” ko‘rsatuvi boshlovchisi Shuhrat Rahmatjonov YTHda og‘ir jarohat oldi

“Axborot 24” boshlovchisi Shuhrat Rahmatjonov jiddiy avtohalokatga uchradi. Bu haqda “Daryo”ning ishonchli manbasi jurnalist Feruz Muhammadga ma’lum qildi.

Hodisa 20-sentabr kuni tong saharda “O‘zbekiston 24” telekanali boshlovchisi televideniyedan uyiga qaytayotganida sodir bo‘ldi. Lacetti mashinasi katta tezlik bilan Shuhrat Rahmatjonovning Malibu avtomobiliga kelib urilgan.

Suxandon ayni paytda Sog‘liqni saqlash vazirligining Respublika shoshilinch tibbiy yordam ilmiy markazida davolanmoqda. Unga kelib urilgan Lacetti avtomobili haydovchisi ham og‘ir jarohat olgan.

“Daryo” yangiliklarini Facebook’da kuzatib boring