Kaliforniyada josus sun’iy yo‘ldoshi bo‘lgan Atlas V raketasi uchirildi (video)

Kaliforniyadagi AQSh Harbiy-havo kuchlarining Vandenberg bazasidan harbiy-koinot razvedkasi milliy boshqarmasiga tegishli NROL-42 sun’iy yo‘ldoshi bo‘lgan Atlas V raketa tashuvchisi uchirildi. Bu haqda Pentagon uchun asosiy raketa texnologiyalari yetkazuvchisi bo‘lgan United Launch Alliance (ULA) kompaniyasi ma’lum qildi, deya xabar beradi “RBK”.

Razvedka boshqarmasiga ko‘ra, sun’iy yo‘ldosh “Qo‘shma Shtatlar milliy manfaatlariga tahdidlar”ni o‘z vaqtida aniqlashi ko‘zda tutilgan.

SpaceFlight portali qurilma bortida Yerdagi ma’lum bir obyektlarni kuzatish imkonini beruvchi infraqizil sensorlar bilan jihozlangan HEO-4 uskunasi bo‘lishi mumkinligini bildirdi.

“Daryo” yangiliklarini “Odnoklassniki”da kuzatib boring