Eron tashqi ishlar vaziri eronliklarning AQShga kirishi taqiqlanishini “haqorat” deb atadi

Eron tashqi ishlar vaziri Javad Zarif Eron fuqarolarining AQShga kirishi uchun yangi cheklovlar avvalgilaridan ham “haqoratliroq” ekanligini aytdi, deb yozadi “Kommersant”.

“Trampning eronliklarga soxta hamdardligi shunday atoqli xalqqa nisbatan yangi va yanada haqoratliroq taqiq bilan yanada samimiyatsiz yangramoqda”, — deb yozdi u Twitter’da.

Eslatib o‘tamiz, AQSh hukumati fuqarolarining mamlakat hududiga kirishi cheklanadigan davlatlar ro‘yxatini kengaytirdi. Ro‘yxatga Venesuela, KXDR va Chad qo‘shildi. Avvalgidek, taqiq Eron, Yaman, Liviya, Suriya va Somali fuqarolari uchun amal qiladi. Mamlakatlar ro‘yxatidan Sudan olib tashlandi.

“Daryo”ning YouTube’dagi rasmiy sahifasiga obuna bo‘ling