Google’ga Kataloniya ayirmachilari uchun mo‘ljallangan dasturni o‘chirib tashlash vazifasi yuklandi

Kataloniya Oliy sudi Google internet-konsernidan Google Play do‘konidagi On Votar 1-Oct dasturini va unga eltuvchi barcha havolalarni o‘chirib tashlashni talab qildi, deb xabar berdi “Korrespondent.net”.

Sudyalarning fikricha, ushbu dasturdan kataloniyalik ayirmachilar 1-oktabr kuniga rejalashtirilgan mustaqillik referendumi haqidagi ma’lumotlarni tarqatishda foydalanmoqda.

Sud qarorida qayd etilishicha, ushbu dasturning Google Play do‘konida bo‘lishi Ispaniya Konstitutsion sudining sentabr oyida referendum qununiyligi o‘rganib chiqilguniga qadar to‘xtatilishi belgilangan qaroriga zid keladi.

Shuningdek, sud Google’dan Onvotar1oct@gmail.com manzili tomonidan yuborilgan har qanday yangi dasturlarni bloklashni so‘ragan. Google’ning Ispaniyadagi filiali hozircha ushbu qarorga izoh bermadi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!