Buyuk Britaniyada “go‘shtli” YTH sodir bo‘ldi (foto)

Britaniyaning Oksfordshir grafligidagi A34 trassasida ikki yuk mashinasi va avtomobil to‘qnashdi. Bu haqda “Gazeta.ru” xabar bermoqda.

Hodisa Abingdon shahri yaqinida ro‘y berdi. Avariya oqibatida ikki kishi, jumladan, yuk mashinalaridan birining haydovchisi jabrlandi. Ular kasalxonaga yetkazildi, yana bir kishiga joyida yordam ko‘rsatildi.

Voqeadan so‘ng yo‘lning katta qismiga yuk mashinalardan birining tirkamasida tashilgan sosiska solingan qutilar sochilib ketdi. Trassa avariya oqibatlarini bartaraf etish va jabrlanganlarga yordam ko‘rsatish 5 soatga yaqin yopib qo‘yildi.

Yo‘lga sochilgan go‘sht mahsuloti do‘konlarga yetkazilmasligi bildirilmoqda.

“Daryo” yangiliklarini “Odnoklassniki”da kuzatib boring