Kataloniya hukumati politsiya bilan to‘qnashuvlarda 38 kishi jabrlanganini ma’lum qildi

Kataloniya hukumatining ma’lum qilishicha, hudud mustaqilligi masalasidagi referendumning o‘tkazilishiga xalal berishga urinayotgan politsiya bilan to‘qnashuvlar davomida 38 kishi jabrlandi.

Meduza nashri Kataloniya rahbari Karles Puchdemonning bayonotiga asoslanib xabar berishicha, zo‘ravonlik ovoz berishga qaror qilgan odamlarni to‘xtata olmaydi.

Avvalroq politsiya ovoz berish uchastkalari oldida yig‘ilgan odamlarga qarshi rezina o‘qlarni qo‘llashni boshlagani ma’lum bo‘lgan edi.

Ispaniya ichki ishlar vaziri Xuan Ignasio Soido politsiyaning bu harakatlarini “professional va to‘g‘ri” deb atadi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!