Braziliyada talonchi kurashchilar mashg‘ulot o‘tkazayotgan klubni o‘marishga urindi (video)

Braziliyaning Rio-de-Janeyro shahrida erkak taxminan 15 nafar jiu-jitsu kurashchisi mashg‘ulot o‘tkazayotgan sport zalda talonchilik qilishga urinib ko‘rdi. Kuzatuv kamerasida olingan tasvirda ko‘rinadiki, talonchi turniket ustidan sakrab o‘tib, ichkariga intilgan, shundan so‘ng darhol u yerdan qochib chiqqan, uning izidan kimonodagi sportchilar yugurib chiqqan. Bu haqda “RIA Novosti” xabar berdi.

Klub xodimining aytishicha, talonchi yo‘l so‘rash uchun kirgan, biroq keyin uning mobil telefonini olib qo‘ymoqchi bo‘lgan. Erkak qochib ketishga muvaffaq bo‘lgan. Politsiyaning ta’kidlashicha, u voqea joyida shippaklarini qoldirib ketgan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!