Kaliforniyadagi yong‘inlar oqibatida 10 kishi halok bo‘ldi

Amerikaning Kaliforniya shtati bir nechta okrugiga yopirilgan o‘rmon yong‘inlari oqibatida o‘n kishi halok bo‘ldi. Bu haqda mahalliy hukumat ma’lum qildi, deb yozadi “Korrespondent.net”.

Bedarak yo‘qolgan va jabrlanganlar ham borligi ma’lum qilinmoqda.

Yong‘in kuchli shamol tufayli tez tarqalmoqda. Aholi o‘rtasida qurbonlar oldini olish uchun rasmiylar xavfli hududlardan aholini evakuatsiya qilishga majbur bo‘lmoqda. 20 mingga yaqin odam allaqachon o‘z uylarini tark etgan. Dastlabki hisob-kitoblarga ko‘ra, 1,5 mingta uy va bino yo‘q bo‘lgan.

Kaliforniya gubernatori Jerri Braun tomonidan shtatning bir nechta okrugida favqulodda holat e’lon qilingan.

“Daryo”ning YouTube’dagi rasmiy sahifasiga obuna bo‘ling