“Toshkent metropoliteni” turkumiga bag‘ishlangan pochta markasi sotuvga chiqarildi

“O‘zbekiston pochtasi” AJ tomonidan “Toshkent metropoliteni” turkumiga bag‘ishlangan pochta markasi muomalaga kiritildi. Bu haqda jamiyat axborot xizmati xabar bermoqda.

Pochta markasi pochta bloki ko‘rinishida chop etilgan. Unda Toshkent metropolitenining Yunus Rajabiy metro bekati tasvirlangan. Pochta blokining pastki qismida o‘zbek tilida lotin grafikasida “Toshkent metropoliteni” yozuvi joylashgan.

Pochta markasi bir necha rangda ishlangan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!