Dunyodagi eng xavfli shaharlar nomi e’lon qilindi

Pokistonning Karachi shahri dunyodagi eng xavfli shahar deb topildi. Shahar eng yuqori bo‘lgan 100 balldan 38,77 ball to‘pladi. Bu haqda The Economist’ning tadqiqotiga tayanib, “Korrespondent.net” xabar bermoqda.

Ta’kidlanishicha, reytingni tuzishda shaxsiy xavfsizlik, raqamli xavfsizlik, sog‘lik uchun xavfsizlik va infratuzilma xavfsizligi kabi parametrlar hisobga olingan.

Ikkinchi o‘rinni 46,47 ball bilan Myanmadagi Yangon shahri egallagan, uchinchi o‘rindan Bangladesh poytaxti Dakka shahri joy olgan bo‘lib, u 47,37 ball bilan baholangan. Shuningdek, o‘ntalikka Jakarta, Xoshimin, Manila, Karakas, Kito, Tehron va Qohira kirgan.

Dunyodagi eng xavfsiz shaharlar sifatida Tokio (89,8), Singapur (89,64) va Osaka (88,87) tan olingan.

“Daryo” yangiliklarini “Odnoklassniki”da kuzatib boring