Toshkentda qurilish: Sergelidagi yer usti metrosi “oyoqlari”

Toshkentning Sergeli tumanida 2016-yil kuzida boshlangan yer usti metro yo‘lining qurilishi faol davom etmoqda. “Daryo” muxbiri hududda bo‘lib, hozirgacha qurib bitkazilgan metro inshootlari bilan tanishdi.

Uzunligi 8 kilometrga teng yangi metro yo‘li tumandagi Choshtepa, Mirzo Tursunzoda, Qipchoq ko‘chalaridan “Sputnik” dahasidagi Mardlik ko‘chasigacha bo‘lgan hududdan o‘tadi va olti yangi bekatni birlashtirishi ko‘zda tutilgan.

“Chilonzor” metro yo‘lining “Olmazor” bekatiga chiqish orqali “Sergeli” yo‘li Toshkent metropoliteniga ulanadi. 2020-yilgacha amalga oshirilishi ko‘zda tutilgan loyiha qiymati 170 million dollardan oshadi.

“Daryo”ning YouTube’dagi rasmiy sahifasiga obuna bo‘ling