Jurnalist: Minglab badavlat arablar ov qilish uchun Navoiyga kelmoqda

Arab davlatlaridan badavlat insonlar Navoiyga tashrif buyurmoqda. Ularni bu yerda lochin ovi o‘tkazish imkoniyati o‘ziga jalb qilmoqda. Bu haqda jurnalist Maqsad Jangirov Facebook’dagi sahifasi orqali ma’lum qildi.

“Minglab badavlat arablar o‘z ‘jip’larida Navoiyga sevimli mashg‘uloti — lochin oviga kelmoqda”, — deb yozdi u va xabarga rasmlarni ilova qildi.

Jurnalistning ta’kidlashicha, mehmonlar o‘zlari uchun maxsus baza qurgan bo‘lib, u yerda ulardan boshqa deyarli hech kim bo‘lmaydi.

“Bu uchun ular katta miqdorda pul to‘laydi, bu davlat uchun manfaatli”, — deb so‘ziga yakun yasadi Jangirov.

“Daryo”ning Telegram’dagi rasmiy kanali — @toshqindaryo’ga a’zo bo‘ling!