Eron Iroq Kurdistoni bilan chegara yopilganini inkor etdi

Eron tashqi ishlar vazirligi Iroq Kurdistoni bilan chegara yopilganini inkor etdi. Bu haqda “RBK” xabar bermoqda.

Chegara yopilgani haqida 15-oktabr, yakshanba kuni “al-Mayadin” telekanali ma’lum qilgandi.

“Biz Iroq hukumati iltimosiga ko‘ra kurd avtonomiyasi bilan havo chegarasini yopdik. Bu mintaqada boshqa hech narsa ro‘y bergani yo‘q”, — dedi Eron TIV vakili.

O‘z navbatida, Shafaq News portali Sulaymoniya shahri savdo-sanoat palatasiga tayanib, Eron chegarasi yopiq ekanligini ma’lum qildi. Shu bilan birga, kurd rasmiylari vakillari Tehron bilan aloqada ekanligi bildirilmoqda.

“Daryo” yangiliklarini Facebook’da kuzatib boring